Maat-Pita: Prajapita Brahma (Chaitanya Gita). .
Murli Dt. 27.4.2001, pg. 1 (M-Khand1- 185):
"Bharat mein shuru se hee pravritti marg chala aata hai. Isliye Vishnu ko chaar bhujaaye dee hain. Yahaan hai Brahma-Saraswati, vah Saraswati adopted bachee hai.
Inka asul naam Lakheeraj tha, phir inka naam rakha Brahma. ShivBaba ne ismein pravesh kiya aur Radhe ko apna banaaya, naam rakha Saraswati. Saraswatika Brahma koee lokik baap naheen thaharaa. In dono ke lokik baap apne-apne thaey. Abhee vah naheen hain. Yah ShivBaba ne Brahma dwara adopt kiya hai. Tum ho adopted children. Brahma bhee ShivBaba ka Bachha hai. Brahma ke mukh kamal se rachate hain isliye Brahma ko bhee maata kaha jata hai. Tum maat-pita hum baalak tere, tumhaari krupa se sukh ghanere.. gaate hain na. Tum brahman aakar balak bane ho. Ismein samajhne kee buddhi achchhee chahiye. Tum bachhe ShivBaba se varsa letaey ho. Brahma koi swarg ka rachaita va gyaan saagar naheen hai. Gyaan ka saagar ek hee Baap hai.
Aatma ka Baap hee Gyaan ka saagar hai. Aatma bhee gyaan saagar banatee hai parantu inko gyaan saagar naheen kahenge kyonki saagar ek hee hai. Tum sab nadiyaan ho. Saagar ko apnaa shareer naheen hai. Nadiyoon ko hai. Tum ho gyaan nadiyaan. Kalkatte mein Brahmaputra nadi bahut badee hai kyonki unka saagar se connection hai. Unka mela bahut badaa lagta hai. Yahaan bhee mela lagta hai. Saagar aur Brahmaputra combined hain. Yah hai chaitanya Vah hai jad. Yah batein Baap samjhate hain. Shastron mein naheen hain. Shastra hai Bhakti marg kee department. Yah haigyaan marg, vah hai Bhakti marg."
Murli Dt. 19.12.2001, pg. 1 (M.Khand1- 211)
"Gaate hain tum maat-pita hum balak tere... toh vahee ismein pravesh kar tumko knowledge detaey hain. Kitnee samjhne kee batein hain. Prajapita Brahma ko bhee pita kahate hain. Toh maata kahaan? Baap baith samjhaataey hain ki yah Prajapita bhee hai toh maata bhee hai. Mai toh sabhee aatmaaon ka Baap hoon. Mujhaey hee GodFather kahataey hain. Bharatwasi pukartaey bhee hain tum maat-pita... parantu arth kuchh bhee naheen jaanate. Nirakaar ko maata kaise kah saktaey. Vah ismein pravesh kar adopt kartaey hain. Toh yah Brahma maata ban jaati hai. In dwaara hee daivi rachana rachataey hain. Yah bhee adopted mother hai., Vah Father hai. Isko phir nandi gan, bail bhee dikhataey hain. Gaay ko kabhee bhee naheen dikahataey. Yah bahut wonderful baatein hain."
Murli Dt. 11.12.2001, pg. 1 (M-Khand1- 231):
"Baap jaroor koee samay gruhasthee banaey hain, jis karan unko tum maat-pita kaha jaata hai. Gaataey toh hain parantu samajhaey naheen hain. Abhee tum bachche jaanataey ho behad ka Baap bhee hai toh Maa bhee hai. Is Maa dwaara arthaat Prajapita Brahma dwaara adopt kiya hai. Ab Prajapita aur Shiv dono hee Baap thaharaey. Baap toh maata dwaara adopt karengaey na.
Ab tvamaeva matscha pita... inko kahae ya Brahma ko kahein. Gaataey toh hai hum sab brothers hain, vah Father hai. Usmein toh maata ka prashna hee naheen. Gaaya jaata hai - tum maat-pit. Ab maat-pita kaise banataey han, yah wonderful bataein hain samajhnaey kee. Manushya moonjhataey hain kyonki shareer toh male ka hai na, isliye maata adopt kee gayee. Vahi Saraswati beti. Parantu beti dwaaraa toh adopt naheen kiya jaata hai. Yah maata bhee hai toh pita bhee hai. Usne ismein pravesh kiya hai. Tab Brahm ko khud kahataey hai tum hamaara bachha bhee ho, banni (patnee) bhee ho. Barobar Baap in dwaara adopt kartaey hain. Toh yah maata bhee ho jaati hai. Phir bhee Baap kahataey hain, tumko Yaad mujhe karna hai. Brahma ko Yaad naheen karna hai. Manushy duniya mein bahut locket pahantaey hain. Yah toh Baap hai. Baap kahataey hai bachhe tumko apnaa bhee sab kuchh bhool jaana hai, deha sahit deha ke jo bhee sambandhee hain, sabko bhool Parampita ke saath Yoga lagao. Tum bachhonko pharmaan hai mujh Baap ko Yaad karo.
Mai inmein pravesh hokar tumko Rajyog sikhalaata hoon, ismein prerna kee koee baat naheen hai. Prerana se Baba kaam naheen kartaa hai."
Murli Dt. 13.11.87:
"Brahmkumar kumari vah jo 21 janma liye Baap se varsa dilaayein. Kumariyonki mahima bhaari hai. Mukhya Mama hai. Yah gyaan surya hai, yah hai gupta Mama. Is raaz ko mushkil hee samajhate hain. Mandir bhee us Mama ke hain. Is gupt boodhi Mama ka koi mandir naheen hain. Yah maat-pita combined hain."
Murli Dt. 9.5.85, pg. 2:
"Gita hee hai maat-pita. Baaki sab hai unkee rachana. Rachana se kab varsa miltaa naheen. Varsa rachata se hee milta hai. Bachhon ko Baap se varsa milta hai. Bhai se mil na sake.":
Murli Dt. 2.6.87, pg. 3 (M-Khand1- 408):
"Baap ek hai phir unka bachha bhee ek hai Prajapita Brahma. Aise kab naheen kahenge Prajapita Vishnu va Shankar. Prajapita ek phir unse brahman adoption hotee hai."
Murli Dt. 5.9.2002, pg. 1 (M-Khand1- 515):
"Ab Baap kahate hain jo bhee sunte aaye ho sab bhulo. Mai jo tumko sunaata hoon vah suno. Prajapita toh ek hee hoga na."